సోనియా మారాలని తెలంగాణ కాంగ్ ఎంపీల పూజలు

By Srinivas

Published: Friday, December 9, 2011, 14:51 [IST]

న్యూఢిల్లీ: తెలంగాణకు అనుకూలంగా ఏఐసిసి అధ్యక్షురాలు సోనియా గాంధీ మనసు మారాలని తాము దేవుడిని ప్రార్థించామని తెలంగాణ ప్రాంత కాంగ్రెసు పార్లమెంటు సభ్యులు శుక్రవారం చెప్పారు. డిసెంబర్ 9న సోనియా గాంధీ జన్మదినం కావడంతో ఎంపీలు ఎపి భవనంలోని శ్రీ వేంకటేశ్వర ఆలయంలో పూజలు చేశారు. సోనియా ఆరోగ్యం సంపూర్ణంగా బాగుపడాలని వారు ప్రత్యేక పూజలు చేశారు. ఈ సందర్భంగా వారు మాట్లాడారు. డిసెంబర్ 9 ప్రకటనకు అనుకూలంగా సోనియా నిర్ణయం తీసుకోవాలని ఎంపీలు విజ్ఞప్తి చేశారు. ఈ సందర్భంగా వారు ఆలయంలో వస్త్రదానం చేశారు.

కాగా పుట్టిన రోజు సందర్భంగా ఎవరూ ఢిల్లీకి రావొద్దని కోరినప్పటికీ రాష్ట్ర నేతలు సోనియా గాంధీకి శుభాకాంక్షలు చెప్పడానికి క్యూ కట్టారు. మంత్రులు పొన్నాల లక్ష్మయ్య, గీతారెడ్డి, రాజ్యసభ సభ్యుడు వి హనుమంత రావు మాట్లాడుతూ సోనియా కుటుంబం త్యాగధనుల కుటుంబమని, ఆమె జన్మదినం అందరికీ పర్వదినమని చెప్పారు. ముఖ్యమంత్రి కిరణ్ కుమార్ రెడ్డి సోనియాకు శుభాకాంక్షలు తెలిపారు.

Published On December 9, 2011