24 గంటల్లో ఇద్దరు చిన్నారులు హైదరాబాద్‌లో కిడ్నాప్

By Srinivas

Published: Friday, December 9, 2011, 16:59 [IST]

హైదరాబాద్: రాష్ట్ర రాజధాని హైదరాబాదులో కిడ్నాప్ ఉదంతాలు పెరుగుతున్నాయి. శుక్రవారం ఉదయం ఆసిఫ్ నగర్‌లోని గుడిమల్కాపూర్‌లో నవ్య అనే మూడేళ్ల చిన్నారిని గుర్తు తెలియని దుండగులు కిడ్నాప్ చేశారు. నవ్య తన సోదరుడితో ఉదయం గుడికి వెళ్లింది. ఆ సమయంలో ఓ మహిళ నవ్యను బలవంతంగా అక్కడి నుండి తీసుకు పోయింది. నవ్యతో వచ్చిన సోదరుడు ఇంటికి వెళ్లి తల్లిదండ్రులకు చెప్పారు. వారు పోలీసులకు ఫిర్యాదు చేశారు. కేసు నమోదు చేసుకున్న పోలీసులు నిందితులను అరెస్టు చేసినట్లుగా తెలుస్తోంది.

కాగా గురువారం మలకపేటలోని శాలివాహననగర్‌లో అనిరుధ్ అనే రెండేళ్ల బాలుడు కిడ్నాప్‌కు గురయ్యాడు. అనిరుధ్‌ను కొందరు వరంగల్ జిల్లాలోని ములుగులో గుర్తించారు. బాలుడిని ఆచూకి గుర్తించిన పోలీసులు అతనిని హైదరాబాద్ తరలించి తల్లిదండ్రులకు అప్పగించారు.

Published On December 9, 2011