విశాఖపపట్నం రైల్వే స్టేషన్‌లో ఆగంతకుడి ఫైరింగ్

విశాఖపట్నం: విశాఖపట్నం రైల్వే స్టేషన్‌లో శుక్రవారం సంచలన సంఘటన చోటు చేసుకుంది. ఓ ఆగంతకుడు రైల్వే స్టేషన్‌లో కాల్పులు జరిపాడు. ఏదో నేరం చేయడానికి వచ్చినట్లున్న అతను పోలీసులు రావడంతో గాలిలోకి కాల్పులు జరుపుతూ పారిపోయాడు. అతను మోటార్ బైక్‌పై పారిపోయినట్లు చెబుతున్నారు. ఈ సంఘటనతో ప్రయాణికులు తీవ్ర భయభ్రాంతులకు గురయ్యారు. ఈ విషయంపై పోలీసులు ఏమీ చెప్పడం లేదు. దానికి తోడు, మరో కథనం కూడా వినిపిస్తోంది.

ఇద్దరు చైన్ స్నాచర్స్ రైల్వే స్టేషన్‌కు వచ్చారని, వారిని పట్టుకోవడానికి ప్రయత్నించగా ఒకతను గాలిలోకి కాల్పులు జరుపుతూ పారిపోయాడని అంటున్నారు. ఒకతను మాత్రం పోలీసుల అదుపులో ఉన్నట్లు ప్రచారం జరుగుతోంది. అయితే, పోలీసులు ఈ విషయంపై ఏమీ చెప్పడం లేదు. విశాఖపట్నంలో ఓ వ్యాపారికి గురవారంనాడు పోస్టులో బుల్లెట్ వచ్చింది. వ్యాపారిని డబ్బులు డిమాండ్ చేస్తూ ఆ బుల్లెట్‌ను పోస్టు చేశారు. ఈ రెండు సంఘటనల నేపథ్యంలో ఏదైనా ముఠా నగరంలోకి ప్రవేశించిందా అనే అనుమానాలు వ్యక్తమవుతున్నాయి.

English summary

A firing incident at Vishakhapatnam railway station created panic among the passengers.