కెసిఆర్‌తో కాంగ్రెసు చర్చలు జరపలేదు: హరీష్ రావు

హైదరాబాద్: తెలంగాణ అంశంపై కాంగ్రెసు అధిష్టానం పెద్దలు తమ పార్టీ అధ్యక్షుడు కె. చంద్రశేఖర రావుతో చర్చలు జరిపినట్లు వచ్చిన వార్తలను తెలంగాణ రాష్ట్ర సమితి (తెరాస) శాసనసభ్యుడు హరీష్ రావు ఖండించారు. కెసిఆర్‌తో కాంగ్రెసు నాయకులు చర్చలు జరపలేదని ఆయన శనివారం మీడియా ప్రతినిధుల సమావేశంలో అన్నారు. హైదరాబాద్‌తో కూడిన తెలంగాణ రాష్ట్ర ఏర్పాటును తప్ప మరి దేన్ని కూడా తాము అంగీకరించబోమని ఆయన స్పష్టం చేశారు. ప్యాకేజీలు, మండలి వంటి వాటికి తాము అంగీకరించబోమని, వాటికి అంగీకరిస్తే కాంగ్రెసు తెలంగాణ ప్రాంత నాయకులు ద్రోహులవుతారని ఆయన అన్నారు. తమ పార్టీని విమర్శిస్తే తెలంగాణ ప్రాంత తెలుగుదేశం నాయకులను ప్రజలు తిరస్కరిస్తారని ఆయన అన్నారు.

తెలంగాణ రాష్ట్రం తేవడం కోసం ప్రయత్నిస్తున్నామని చెప్పిన తెలంగాణ మంత్రులు ఏమీ సాధించలేకపోయారని, కనీసం వాటాను కూడా సాధించలేకపోయారని ఆయన అన్నారు. మండలి కొత్తదేమీ కాదని, గతంలో కూడా తెలంగాణ ప్రాంతీయ మండలి ఉండేదని, దానివల్ల ప్రయోజనం ఏమీ లేదని, అటువంటి దానికి అంగీకరిస్తే తెలంగాణ కాంగ్రెసు నాయకులను ప్రజలు తరిమి కొడతారని ఆయన అన్నారు.

English summary

TRS MLA Harish Rao said that Congress leade3rs were not held talks with K Chandrasekhar Rao.