జైపాల్ రెడ్డి మేనకోడలి మృతి కేసులో చార్జిషీట్ దాఖలు

By Pratap

Published: Saturday, December 10, 2011, 10:22 [IST]

హైదరాబాద్: కేంద్ర మంత్రి ఎస్ జైపాల్ రెడ్డి మేనకోడలు కిరణ్ రెడ్డి మృతి కేసులో హైదరాబాద్ నగర నేర పరిశోధక విభాగం (సిసిఎస్) పోలీసులు చార్జిషీట్ దాఖలు చేశారు. కిరణ్ రెడ్డి హత్యకు గురయ్యారనే ఆరోపణలు వచ్చిన నేపథ్యంలో వారు నాంపల్లి క్రిమినల్ కోర్టులో ఆమె భరత్ చైతన్య రెడ్డి, ఆయన తల్లిదండ్రులు, సోదరులపై చార్జిషీట్ దాఖలు చేశారు. జూన్ 17వ తేదీన ఓ పార్టీకి వెళ్లి వచ్చిన తర్వాత చైతన్య రెడ్డి తన భార్య కిరణ్ రెడ్డి మృతి చెందడానికి కారణమయ్యాడని ఆరోపిస్తూ పోలీసులు చార్జిషీట్ దాఖలు చేశారు.

పోలీసులు జూన్ 21వ తేదీన చైతన్య రెడ్డిని అరెస్టు చేశారు. జూలైలో చైతన్య రెడ్డి తండ్రి ఎస్ దేవేందర్ రెడ్డి్, తల్లి ఎస్ రాజేశ్వరి,, సోదరుడు నితిన్ రెడ్డిలను పోలీసులు అరెస్టు చేశారు. వరకట్నం వేధింపుల కింద వీరిని అరెస్టు చేశారు. నలుగురు నిందితులపై కూడా అభియోగాలు మోపినట్లు సిసిఎస్ ఎసిపి కెవి రామనర్సింహా రెడ్డి చెప్పారు.

Published On December 10, 2011