నళిని దీక్షలో ఎర్రబెల్లికి షాకిచ్చిన తెలంగాణవాదులు

న్యూఢిల్లీ: మాజీ పోలీసు అధికారి నళిని ఆమరణ నిరాహార దీక్షకు మద్దతు తెలిపేందుకు వెళ్లిన తెలుగుదేశం పార్టీ సీనియర్ శాసనసభ్యుడు ఎర్రబెల్లి దయాకర రావుకు తెలంగాణవాదులు ఆదివారం షాక్ ఇచ్చారు. తెలంగాణ రాష్ట్రం కోరుతూ నళిని ఢిల్లీలోని జంతర్ మంతర్ వద్ద ఈ నెల తొమ్మిదో తేదిన దీక్ష ప్రారంభించిన విషయం తెలిసిందే. ఆదివారం ఎర్రబెల్లి నళినికి సంఘీభావం తెలిపేందుకు వెళ్లారు. అయితే ఆయనను తెలంగాణవాదులు అడ్డుకున్నారు.

మొదట ఎమ్మెల్యే పదవికి రాజీనామా చేసి తెలంగాణ కోసం పోరాటం చేయాలని సూచించారు. తెలంగాణకు అనుకూలంగా వారు నినాదాలు చేశారు. ఎర్రబెల్లిని వెళ్లి పోవాల్సిందిగా డిమాండ్ చేశారు. కాగా రెండు రోజుల క్రితం హైదరాబాదులోని అమరవీరుల స్థూపం వద్ద కూడా టిఆర్ఎస్ మహిళా విభాగం నేతలు తెలంగాణ టిడిపి నేతలను అడ్డుకున్న విషయం తెలిసిందే.

English summary

Telanganites obstructed TDP MLA Errabelli Dayakar Rao at Nalini's fast and demanded to his resignation.