ఓటు ఎందుకు వేయలేదంటే?: స్పీకర్‌కు ఎమ్మెల్యే రవి

By Srinivas

Published: Monday, December 12, 2011, 13:02 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, వైయస్ జగన్మోహన్ రెడ్డి వర్గం ఎమ్మెల్యేగా ముద్రపడిన పూతలపట్టు రవి సోమవారం స్పీకర్ నాదెండ్ల మనోహర్‌కు కలిశారు. తాను ఓటింగుకు ఎందుకు హాజరు కాలేదో వివరణ ఇచ్చుకున్నారు. స్పీకర్‌కు వివరణ ఇచ్చుకున్న అనంతరం ఆయన మీడియాతో మాట్లాడారు. తాను ఎందుకు హాజరు కాలేదో స్పీకర్‌కు చెప్పానన్నారు. కాగా అంతకుముందు పూతలపట్టు రవి ముఖ్యమంత్రి కిరణ్ కుమార్ రెడ్డితో ఆయన క్యాంపు కార్యాలయంలో భేటీ అయ్యారు.

తాను కాంగ్రెసు పార్టీలోనే కొనసాగుతానని కిరణ్‌కు చెప్పినట్లుగా తెలుస్తోంది. పూతలపట్టుతో పాటు ద్వారంపూడి చంద్రశేఖర రెడ్డి, బూచేపల్లి శివప్రసాద్ రెడ్డి, వెంకట్రామి రెడ్డి కూడా సిఎంను క్యాంపు కార్యాలయంలో కలిశారు.

Published On December 12, 2011