బాబు కేసులో ట్విస్ట్: బదలీకోసం సుప్రీంకు విజయమ్మ

By Srinivas

Published: Monday, December 12, 2011, 18:16 [IST]

హైదరాబాద్: తెలుగుదేశం పార్టీ అధినేత నారా చంద్రబాబు నాయుడు ఆస్తులపై తాను వేసిన పిటిషన్‌కు సంబంధించిన కేసును ఇతర రాష్ట్రానికి బదలీ చేయాలని వైయస్సార్ కాంగ్రెసు పార్టీ గౌరవ అధ్యక్షురాలు, పులివెందుల శాసనసభ్యురాలు వైయస్ విజయమ్మ సోమవారం సుప్రీం కోర్టును ఆశ్రయించారు. రాష్ట్ర హైకోర్టులో తనకు న్యాయం జరగదని ఆమె అనుమానం వ్యక్తం చేశారు. ఈ కేసును ఇతర రాష్ట్రంలోని హైకోర్టుకు గానీ లేదా సుప్రీం కోర్టులో గానీ విచారించాలని ఆమె కోరారు.

తన పిటిషన్‌పై సుప్రీం కోర్టు తక్షణం స్పందించి కేసు బదిలీ చేయాలని విజ్ఞప్తి చేశారు. కాగా బాబుపై విజయమ్మ వేసిన కేసు పలు మలుపులు తిరుగుతోంది. ఇప్పటికే మూడు బెంచ్‌లు మారింది. తాజాగా విజయమ్మ సుప్రీంకోర్టుకు వెళ్లడం గమనార్హం. అయితే విజయమ్మ పిటిషన్‌ను కోర్టు తిరస్కరిస్తుందో లేక ఆమె విజ్ఞప్తిని మన్నిస్తుందో చూడాలి.

Published On December 12, 2011