చంద్రబాబు కేసు: వాదనలు ముగిశాయి, తీర్పు రిజర్వ్‌

హైదరాబాద్: తెలుగుదేశం పార్టీ అధినేత నారా చంద్రబాబు నాయుడు ఆస్తుల కేసులో వెకేట్, ఇంప్లీడ్ పిటిషన్‌లపై బుధవారం వాదనలు ముగిశాయి. హైకోర్టు తీర్పును రిజర్వ్‌లో ఉంచింది. మూడు రోజుల పాటు ఇరువైపుల వాదనలను హైకోర్టు విన్నది. చంద్రబాబు ఆస్తుల కేసు విచారణను హైకోర్టు మంగళవారం తాత్కాలికంగా నిలిపివేయాలని ఆదేశాలు జారీ చేసిన విషయం తెలిసిందే. దీంతో వైయస్ విజయమ్మ తరఫు న్యాయవాది, సుప్రీంకు రామోజీ రావు, నామా నాగేశ్వర రావు, కెవిరావు ముగ్గురు మాత్రమే వెళ్లినందున వారి ఆస్తుల విచారణ పైనే స్టే విధించాలని మిగిలిన వారిపై స్టే విధించ వద్దని వాదించారు.

అలాగే ఎన్టీఆర్ టిడిపి అధ్యక్షురాలు లక్ష్మీ పార్వతి ఇంప్లీడ్ పిటిషన్ పైన భోజన విరామ అనంతరం వాదనలు కొనసాగాయి. తమను విజయమ్మ పిల్‌లో ఇంప్లీడ్ చేయాలని ఆమె తరఫు న్యాయవాది కోరారు. బాబుకు, లక్ష్మీ పార్వతికి వ్యక్తిగత విద్వేషాలు ఉన్నందున ఎలా ఇంప్లీడ్ చేస్తామని ప్రశ్నించారు. ఇరువైపు వాదనలు విన్న కోర్టు తీర్పును రిజర్వ్ చేసింది.

English summary

High Court put in reserve Nara Chandrababu Naidu case judgement.