సిఎం సమక్షంలో రేషన్ కార్డులపై దానం వర్సెస్ శ్రీధర్

హైదరాబాద్: జిహెచ్ఎంసి పరిధిలోని రేషన్ కార్డుల విషయంలో మంత్రి దానం నాగేందర్, శ్రీధర్ బాబు మధ్య కలెక్టర్ల సమావేశంలో బుధవారం తీవ్రస్థాయిలో వాగ్వాదం చోటు చేసుకుంది. అధికారులు చూపించిన లెక్కలకు అనుగుణంగా రేషన్ కార్డుల పంపిణీ సక్రమంగా జరగడం లేదని దానం అసంతృప్తి వ్యక్తం చేశారు. నగరంలో నలభై లక్షలమందికి పైగా ఉన్నారని చెప్పారు. ఇందుకు సంబంధించి అధికారులు తప్పుడు లెక్కలు చెబుతున్నారని అసంతృప్తి వ్యక్తం చేశారు. కొత్త రేషన్ కార్డులు ఇస్తున్నామని చెప్పి ఇవ్వక పోవడంతో జనం నిలదీస్తున్నారన్నారు.

ఈ దశలో మంత్రి శ్రీధర్ బాబు కల్పించుకొని అధికారులు, కార్డుల పంపిణీ విషయంలో సమస్యలేమీ లేవన్నారు. నగరంలో ఉన్న జన సంఖ్య కన్నా కార్డులు ఎక్కువే ఉన్నాయన్నారు. దీంతో ఇరువురి మధ్య వాడిగా వేడిగా వాదన జరిగింది. ముఖ్యమంత్రి కిరణ్ కుమార్ రెడ్డి కల్పించుకొని ప్రత్యేకంగా సమావేశమై ఈ సమస్యను పరిష్కరించుకుందామని ఇరువురుని సముదాయించారు.

English summary

Argumentation took place between ministers Danam Nagender and Sridhar Babu in the presence of CM Kiran Kumar Reddy.