చిన్న రాష్ట్రాలను కోరుకుంటే మేం వ్యతిరేకం కాదు: జెపి

హైదరాబాద్: చిన్న రాష్ట్రాల ఏర్పాటును ప్రజలు బలంగా కోరుకుంటే దానికి తమ పార్టీ వ్యతిరేకం కాదని లోక్‌సత్తా అధ్యక్షుడు జయప్రకాష్ నారాయణ మంగళవారం పార్టీ కార్యాలయంలో అన్నారు. కాంగ్రెసు, తెలుగుదేశం పార్టీలు తెలంగాణలో ప్రాంతీయవాదాన్ని రెచ్చగొట్టి ప్రజలను వంచించాయని విమర్శించారు. జిల్లా ప్రభుత్వాలు ఏర్పాటు చేయాలనేదే తమ పార్టీ ప్రధానమైన కోరిక అన్నారు. 2002లో టిడిపి నిజాం షుగర్స్‌ను ప్రైవేటీకరించినపుడు వ్యతిరేకించిన కాంగ్రెసు అధికారంలోకి వచ్చి ఎందుకు ఆపలేదని ప్రశ్నించారు. దానిని ప్రభుత్వం వెంటనే స్వాధీనం చేసుకోవాలని డిమాండ్ చేశారు.

రైతు ప్రభుత్వం అంటున్న ముఖ్యమంత్రి కిరణ్ కుమార్ రెడ్డి మాటల్లో కాకుండా చేతల్లో చూపించాలన్నారు. టిడిపి అధ్యక్షుడు చంద్రబాబు నాయుడు ఆస్తులపై హైకోర్టు తాత్కాలిక స్టే విధించడంపై స్పందిస్తూ కోర్టులు చెప్పినట్లు అందరూ నడుచుకోవాల్సిందేనన్నారు. లోక్‌పాల్ పార్లమెంటు సభాసంఘం సమర్పించిన నివేదికలో కీలకలోపాలున్నాయన్నారు. వాటిని సవరించేందుకు అందరూ కలిసి పని చేయాలన్నారు.

English summary

Loksatta president Jayaprakash Narayana said that party is not against to small states.