చిరంజీవి కేంద్ర మంత్రి పదవికి మోకాలడ్డుతున్న ఎంపీలు?

హైదరాబాద్: రాష్ట్రంలో కాంగ్రెసు పార్టీ ప్రభుత్వాన్ని గట్టెక్కించిన తిరుపతి శాసనసభ్యుడు చిరంజీవికి కేంద్ర మంత్రి పదవి దక్కకుండా పలువురు సీనియర్ ఎంపీలు మోకాలడ్డుతున్నట్టుగా జోరుగా ఊహాగానాలు వినిపిస్తున్నాయి. చిరంజీవికి రాష్ట్రంలోనే ప్రాధాన్యత ఇవ్వాలని కేంద్రానికి తీసుకు రావద్దని వారు పార్టీ అధిష్టానానికి విన్నపాలు చేసుకుంటున్నట్లుగా తెలుస్తోంది. తాము ఎప్పటి నుండో పార్టీలో ఉంటున్నామని, తమలాంటి సీనియర్లను విస్మరించి నిన్న గాక మొన్న వచ్చిన చిరంజీవికి కేంద్రంలో పదవి ఇవ్వడమేమిటని వారు అధిష్టానాన్ని ప్రశ్నిస్తున్నారట.

పార్టీ కష్టాల్లో ఉన్నప్పుడు, అధికారంలో ఉన్నా లేకపోయినా కాంగ్రెసును వీడకుండా ఉన్న తమను నిర్లక్ష్యం చేస్తున్నారని వారు ఆవేదన వ్యక్తం చేస్తున్నారట. అంతగా ఇవ్వదల్చుకుంటే రాష్ట్రంలో ఏదైనా పదవి ఇచ్చుకోండని సూచిస్తున్నారట. చిరంజీవికి కేంద్రంలో పదవి కట్టబెడితే రాజీనామాలు చేసేందుకు కూడా వెనుకాడబోమని వారు అధిష్టానాన్ని హెచ్చరిస్తున్నట్లుగా సమాచారం. అయితే ఎవరికైనా పదవులు ఇచ్చినప్పుడు కాంగ్రెసులో ఇలాంటి అసంతృప్తులు మామూలేనని తర్వాతే అవేసర్దుకుంటాయని అభిప్రాయపడుతున్న వారు కూడా ఉన్నారట.

English summary

The roumers came out that senior MPs obstructing Chiranjeevi central ministry.