మంత్రుల ముద్దులు ముచ్చట్లు: రెండోరోజు అంతా కూల్

By Srinivas

Published: Thursday, December 15, 2011, 14:38 [IST]

హైదరాబాద్: ముఖ్యమంత్రి కిరణ్ కుమార్ రెడ్డి ఆధ్వర్యంలో జూబ్లీహాల్‌లో జరుగుతున్న కలెక్టర్ల సమావేశం సందర్భంగా గురువారం మంత్రుల మధ్య ఆప్యాయత వెల్లు విరిసింది. మంత్రులు వట్టి వసంత్ కుమార్, రఘువీరా రెడ్డి మీడియా ఎదుట హుషారుగా కనిపించారు. ఇద్దరు మంత్రులు కెమెరా కళ్ల ముందే హత్తుకొని ముద్దులు పెట్టుకున్నారు. కాసేపు అప్యాయంగా మాట్లాడుకున్నారు. వీరి అంతగా కాకపోయినా మిగిలిన మంత్రులలోనూ రెండో రోజు ఉత్సాహం కనిపించింది.

పలువురు మంత్రులు ఐఏఎస్, ఐపిఎస్ అధికారుల వద్దకు వచ్చి వారి యోగక్షేమాలు అడిగి తెలుసుకున్నారు. మంత్రులు, అధికారులు అందరూ ఉత్సాహంగా కనిపించారు. రెండో రోజు మీటింగ్ అంతా కూల్‌గా జరుగుతున్నట్లుగా కనిపిస్తోంది. మొదటి రోజు భేటీ హాట్ హాట్‌గా ముగిసిన విషయం తెలిసిందే.

Published On December 15, 2011