సోనియా, రాహుల్ ఇళ్ల ముందు ధర్నా: అన్నా హజారే

న్యూఢిల్లీ: ఈ శీతాకాల సమావేశాల్లో లోక్‌పాల్ బిల్లును ప్రవేశ పెట్టకపోతే తాము ఏఐసిసి అధ్యక్షురాలు సోనియా గాంధీ, ఏఐసిసి ప్రధాన కార్యదర్శి రాహుల్ గాంధీ ఇంటి ముందు ధర్నా చేస్తామని ప్రముఖ సంఘ సంస్కర్త అన్నా హజారే గురువారం ఆల్టిమేటం జారీ చేశారు. లోక్ పాల్ బిల్లు ప్రవేశ పెట్టేందుకు అవసరమైతే సమావేశాలను పొడిగించాలని డిమాండ్ చేశారు. బిల్లు ప్రవేశ పెట్టకుంటే డిసెంబర్ 27 నుండి నిరశన దీక్షలు చేపడతామని జనవరి 1 నుండి జైల్ భరో కార్యక్రమానికి పిలుపునిస్తామని హెచ్చరించారు.

లోక్ పాల్ కోసం ఆందోళనలు నిరంతరంగా కొనసాగుతాయమన్నారు. పోరాటంలో వెనక్కి తగ్గేది లేదన్నారు. బిల్లును వ్యతిరేకించిన పార్లమెంటు సభ్యుల ఇళ్ల ముందు తమ కార్యకర్తలు ఆందోళనకు దిగుతారన్నారు. పటిష్టమైన లోక్ పాల్ బిల్లు రావాల్సిందేనన్నారు. కాగా అన్నాకు భారతీయ జనతా పార్టీ మద్దతు పలికింది.

English summary

Anna Hazare on thursday announced a jail bharao agitation from January 1 if the Lokpal bill was not passed in Parliament in the winter session.