సిమితో సంబంధాలున్న వ్యక్తి అరెస్టు, 4ఏళ్లుగా సిటీలో

హైదరాబాద్: నగర పోలీసులు గురువారం సిమి టెర్రరిస్టు సంస్థతో సంబంధాలు ఉన్న మునీర్ అనే యువకుడిని అరెస్టు చేశారు. మునీర్ నాలుగేళ్లుగా నగరంలోనే ఉంటున్నాడు. నారాయణగూడ పోలీసు స్టేషన్‌కు కూతవేటు దూరంలో కుటుంబంతో సహా ఉంటున్నాడు. ఇక్కడే అతనికి గ్యాస్, రేషన్ కార్డు కనెక్షన్ ఉంది. పోలీసులు అతన్ని నాంపల్లి కోర్టులో హాజరు పర్చగా 29వరకు జ్యూడిషియల్ రిమాండ్ విధించింది. భోపాల్ సంఘటనలో మునీర్‌కు సంబంధాలు ఉన్నాయని ఇటీవల మధ్యప్రదేశ్ పోలీసులు అరెస్టు చేసి తీసుకు వెళ్లారు.

దీంతో మన పోలీసులు అప్రమత్తమయ్యారు. అతని గురించి సమాచారం కూపీలాగి అదుపులోకి తీసుకున్నారు. అతనికి ఏఏ నేరాలతో సంబంధాలు ఉన్నాయనే కోణంలో విచారణ జరుపుతున్నారు. మునీర్ తన ప్రసంగాలతో నగరంలో పలువురిని జీహాద్ వైపు మరల్చినట్లుగా తెలుస్తోంది. ఇతను మధ్యప్రదేశ్, ఉత్తర ప్రదేశ్ రాష్ట్రాలకు మోస్ట్ వాంటెడ్.

English summary

Hyderabad police arrest Muneer, who is relations with SIMI terrorists.