సిఎం కిరణ్‌పై సెటైర్ వేసి తర్వాత పొగిడిన శంకరరావు

హైదరాబాద్: నిత్యం ముఖ్యమంత్రి కిరణ్ కుమార్ రెడ్డిపై వాగ్బాణాలు విసిరే మంత్రి శంకర రావు గురువారం కూడా ఆయనపై సెటైర్లు వేశాడు. ఆ తర్వాత కాసేపటికి కలెక్టర్ల సమావేశంలో పాల్గొని కిరణ్‌ను పొగిడారు. విషయానికి వస్తే బుధవారం జరిగిన కలెక్టర్ల సమావేశానికి శంకర రావు హాజరు కాలేదు. దీనిపై మీడియా ఆయనను ప్రశ్నించింది. హైదరాబాదీలు పదిలోపు లేవరు ఏడు గంటల తర్వాత కలవరని, కిరణ్ కూడా హైదరాబాదులోనే పుట్టారు కదా అని సెటైర్ వేశారు. చేనేత సమస్యలు లేవు కాబట్టే తాను సదస్సులో పాల్గొనలేదని చెప్పారు.

ఆ తర్వాత కలెక్టర్ల సమావేశంలో పాల్గొన్న శంకర రావు ముఖ్యమంత్రి కిరణ్ కుమార్ రెడ్డి హయాంలో మున్సిపాలిటీలకు అవార్డులు రావడం అభినందనీయమని ప్రశంసించారు. కాగా మంత్రి శంకర రావు దాదాపు ప్రతి ప్రెస్ మీట్‌లోను సిఎం కిరణ్ కుమార్ రెడ్డిపై విరుచుకు పడిన విషయం తెలిసిందే.

English summary

Shankar Rao praised CM Kiran Kumar Reddy today in collectors meeting.