యెడ్డీని సిఎం చేయాలి: మళ్లీ వేడెక్కిన కన్నడ రాజకీయం

న్యూఢిల్లీ: కర్నాటక రాజకీయాలు మళ్లీ వేడెక్కాయి. ఆ రాష్ట్రానికి చెందిన పదిహేడు మంది భారతీయ జనతా పార్టీ పార్లమెంటు సభ్యులు పార్టీ అగ్రనేత లాల్ కృష్ణ అద్వానీని గురువారం కలిశారు. మాజీ ముఖ్యమంత్రి యడ్యూరప్పను మళ్లీ సిఎం పీఠంపై కూర్చుండ బెట్టాలని కోరుతూ ఒక లేఖ ఇచ్చినట్లుగా తెలుస్తోంది. యడ్డీ ఉంటేనే రాష్ట్రంలో పార్టీకి లబ్ధి చేకూరుతుందని వారు అద్వానీ దృష్టికి తీసుకు వెళ్లినట్లుగా సమాచారం. కర్నాటకలో బిజెపికి 21 మంది ఎంపీలు ఉండగా అందులో 17 మంది అద్వానీని కలిశారు.

అద్వానీని కలిసిన ఎంపీల్లో అనంతకుమార్ లేరు. ప్రస్తుత సిఎం సదానంద గౌడ వైఖరిపై వారు అసంతృప్తి వ్యక్తం చేసినట్లుగా తెలుస్తోంది. అయితే మైనింగ్ అక్రమాల కారణంగా యడ్డీని ఇంటికి పంపిన బిజెపి మళ్లీ ఆయనకు అవకాశం ఇస్తుందో లేదో చూడాలి. లోకాయుక్త యడ్డీతో పాటు ఆయన కుటుంబ సభ్యులు కూడా అక్రమాలకు పాల్పడినట్లు ఆరోపించింది.

English summary

Karnataka BJP MPs appealed party senior leader LK Advani that to replamce Sadananda with former CM Yeddyurappa.