సొల్లు మాటలొద్దు, నిరూపించు: బాబుకు కెటిఆర్ సవాల్

By Srinivas

Published: Friday, December 16, 2011, 16:16 [IST]

హైదరాబాద్: పోలవరం టెండర్లు సహా కె చంద్రశేఖర రావు ఆస్తులు అన్నింటి పైనా తాము విచారణకు సిద్ధంగా ఉన్నామని, అక్రమాలు నిరూపిస్తే తాము ఏ శిక్షకైనా సిద్ధమని, నిరూపించకుంటే తెలుగుదేశం పార్టీని మూసి వేయడానికి ఆ పార్టీ అధినేత నారా చంద్రబాబు నాయుడు సిద్ధమా అని తెలంగాణ రాష్ట్ర సమితి సిరిసిల్ల శాసనసభ్యుడు కల్వకుంట్ల తారక రామారావు శుక్రవారం సవాల్ విసిరారు. ఆధారాలు లేకుండా సొల్లు మాటలు మాట్లాడవద్దని హెచ్చరించారు.

తెలంగాణకు తాను వ్యతిరేకం కాదన్న చంద్రబాబు నాయుడు తాను ప్రత్యేక రాష్ట్రానికి అనుకూలమని కేంద్ర మంత్రి చిదంబరానికి లేఖ రాయాలని డిమాండ్ చేశారు. తెలుగుదేశం బడుగుల పార్టీ కాదని సీమాంధ్ర బలుపు పార్టీ అని ధ్వజమెత్తారు. గిరిజన గ్రామాలకు నష్టం కలిగిస్తున్న పోలవరం ప్రాజెక్టును ఆపే దమ్ము టిడిపికి ఉందా అని ప్రశ్నించారు. కాగా చంద్రబాబు తన ఉత్తర తెలంగాణ జిల్లా పర్యటనలో తాను తెలంగాణకు వ్యతిరేకం కాదన్న విషయం తెలిసిందే.

Published On December 16, 2011