రోజా బంగారు రింగులు మాయం,ఆలస్యంగా వెలుగులోకి

By Srinivas

Published: Friday, December 16, 2011, 11:14 [IST]

హైదరాబాద్: వైయస్స్రార్ కాంగ్రెసు పార్టీ నేత, ప్రముఖ సినీ నటి రోజా బంగారు ఆభరణాలు మాయమైన సంఘటన ఆలస్యంగా వెలుగులోకి వచ్చింది. రోజుకు చెందిన ఆరు తులాల బంగారు ఆభరణాల్ని రైల్లో కొందరు దుండగులు కాజేశారు. ఈ నెల పదకొండో తేదిన రోజా విజయవాడలో జరిగిన ఓ కార్యక్రమంలో పాల్గొన్నారు. అనంతరం ఆమె మచిలీపట్నం రైలులో సికింద్రాబాద్‌కు తిరుగు ప్రయాణం అయ్యారు. సికింద్రాబాదు స్టేషన్‌లో రైలు దిగిన తర్వాత చూసుకోగా బంగారు నగలు ఉన్న ట్రాలీ బ్యాగు రోజాకుకనిపించలేదు. దీంతో ఆమె సికింద్రాబాద్ రైల్వే పోలీసులకు ఫిర్యాదు చేశారు. బ్యాగులో ఆరు తులాల బంగారు రూబీ నెక్లెస్, చెవి రింగులు ఉన్నాయని ఆమె పేర్కొన్నారు.

కాగా రోజా కడప పార్లమెంటు సభ్యుడు వైయస్ జగన్మోహన్ రెడ్డి కాంగ్రెసు పార్టీని వీడినప్పటి నుండి ఆయనకు మద్దతుగా నిలబడిన విషయం తెలిసిందే. జగన్ తాను స్థాపించిన వైయస్సార్ కాంగ్రెసు పార్టీలో రోజాకు ప్రాధాన్యత ఇవ్వనున్నారు. రాజకీయాల్లో ప్రధానంగా వెలుగొందడానికి రోజాకు సినిమా ఇమేజ్ బాగా కలిసి వచ్చింది.

Published On December 16, 2011