ఎట్టి పరిస్థితుల్లోనూ తెలంగాణ రాదు: ఎంపీ రాయపాటి

హైదరాబాద్: తెలంగాణవాదులు భావిస్తున్నట్లుగా తెలంగాణ అసలు రాదని గుంటూరు పార్లమెంటు సభ్యుడు రాయపాటి సాంబశివ రావు ఆదివారం హైదరాబాదులో అభిప్రాయపడ్డారు. ప్రస్తుత పరిస్థితుల్లో కేంద్రం రాష్ట్రాన్ని విభజించే స్థితిలో లేదని, అందుకే ఆంధ్ర ప్రదేశ్ రాష్ట్ర విభజింపబడి తెలంగాణ వచ్చే పరిస్థితి లేదన్నారు. గృహసంబంధిత అంశంపై సంకోచించాల్సిన పని లేదన్నారు.

కాగా తెలంగాణ ప్రత్యేక రాష్ట్రం కోసం ఆ ప్రాంత మంత్రులు రెండు మూడు రోజుల్లో ఢిల్లీ పర్యటనకు వెళ్లనున్నారు. వారు అధిష్టానాన్ని కలిసి సాధ్యమైనంత తొందరగా తెలంగాణకు అనుకూలంగా నిర్ణయం తీసుకోవాలని కోరే అవకాశముంది. తెలంగాణకు అనుకూలంగా నిర్ణయం తీసుకుంటే రెండు ప్రాంతాలలో పార్టీకి ఎలాంటి నష్టం జరగదని అదే సమయంలో లాభం జరుగుతుందని వివరించే అవకాశముంది. కాగా ఇప్పటికే ఎంపీలు అధిష్టానం వద్ద తెలంగాణ కోసం తీవ్రంగా పోరాడుతున్నారు.

English summary

Central Government is not ready to give Telangana in present situations, said Guntur MP Rayapati Sambasiva Rao.