వీణా మాలిక్ దొరికిందోచ్!: ముంబయి హోటల్లో ప్రత్యక్షం

By Srinivas

Published: Sunday, December 18, 2011, 17:46 [IST]

ముంబయి: రెండు రోజుల క్రితం కనిపించకుండా పోయిన పాకిస్తాన్ బ్యూటీ వీణా మాలిక్ ఆచూకి ఎట్టకేలకు ఆదివారం తెలిసింది. ముంబయిలోని ఓక్ వుడ్ హోటల్‌లో ఆమె ప్రత్యక్షమయ్యారు. అయితే అనారోగ్యం కారణంగానే ఆమె షూటింగ్‌కు రాలేదని తెలుస్తోంది. శుక్రవారం నుండి ఆమె అదృశ్యం కావడంతో అందరూ కంగారు పడ్డారు. వీణా మాలిక్ వీసా గడువు ముగియడంతో దానిని రెన్యూవల్ చేయించుకోవడానికి స్వదేశమైన పాకిస్తాన్ వెళ్లినట్లుగా ప్రచారం జరిగింది. వాఘా సరిహద్దు మీదుగా పాకిస్తాన్ వెళ్లిందని భావించారు. అయితే ఆమె ఎక్కడకు వెళ్లలేదని, అనారోగ్యం కారణంగా ముంబయిలోని ఓక్ వుడ్ హోటల్లో విశ్రాంతి తీసుకుంటున్నట్లుగా వెలుగులోకి వచ్చింది.

వీణా మేనేజర్ ప్రతీక్ మెహ్తా ఉదయం ఓ జాతీయ పత్రికతో మాట్లాడుతూ ఓక్ వుడ్ హోటల్లో ఉన్న వీణా మాలిక్‌తో తాను మాట్లాడానని చెప్పారు. ఈమె అదృశ్యం పబ్లిసిటీ స్టంట్ కోసమే అన్న వారు కూడా ఉన్నారు. కాగా రెండు రోజుల క్రితం వీణా మాలిక్ షుటింగ్ స్పాట్ నుండి అదృశ్యమైన విషయం తెలిసిందే. ముంబయికి 135 కిలోమీటర్ల దూరంలో ఉన్న ఓ ప్రాంతంలో పదిహేను రోజులుగా షూటింగులో పాల్గొన్నది. ఇటీవల ఓ మేగాజైన్‌లో న్యూడ్‌గా కనిపించి ఆమె సంచలనం సృష్టించారు. అప్పటి నుండి ఆమె పత్రికల్లో పతాక శీర్షికలకెక్కారు.

Published On December 18, 2011