కుంభకర్ణా! ఉరేసుకుందాం రా: కెసిఆర్‌కు మోత్కుపల్లి

హైదరాబాద్: తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావుపై తెలుగుదేశం పార్టీ సీనియర్ శాసనసభ్యుడు మోత్కుపల్లి నర్సింహులు శుక్రవారం తీవ్రస్థాయిలో విరుచుకు పడ్డారు. తెలంగాణ కోసం తాను ఉరేసుకోవడానికి కూడా సిద్ధమని అందుకు కెసిఆర్ సిద్దమా అని సవాల్ విసిరారు. శనివారం ఉదయం అమరవీరుల స్థూపం వద్ద తాను ఉంటానని, కెసిఆర్‌కు దమ్ముంటే, తెలంగాణపై చిత్తశుద్ధి ఉంటే తాడు పట్టుకొని రావాలని ఇద్దరం కలిసి ఉరేసుకుందామన్నారు. కెసిఆర్ కుంభకర్ణుడని ఆరు నెలలు నిద్రపోతే మరో ఆరు నెలలు దళితుల పిల్లలను బలి తీసుకుంటాడని ధ్వజమెత్తారు.

కెసిఆర్‌కు ఏఐసిసి అధ్యక్షురాలు సోనియా గాంధీని చూస్తే వణుకు అన్నారు. విద్రోహ దినం జరుపుకోవడానికి కెసిఆర్ చేతకానితనమే కారణమన్నారు. తెలంగాణ రావాలంటే ముందు కెసిఆర్ కబంధ హస్తాల నుండి విముక్తం కావాల్సి ఉందన్నారు. తెలంగాణ కోసం టిడిపి నేతలంతా దేనికైనా సిద్ధమని, ఇప్పటికే రెండుసార్లు రాజీనామా చేశామన్నారు. తెలంగాణ కోసం ఉరేసుకొని మన పౌరుషం చూపించి సోనియా మెడలు వంచుదాం రా అని సవాల్ చేశారు.

English summary

TDP senior MLA Mothkupalli Narasimhulu challenged TRS chief K Chandrasekhar Rao for Telangana.