శంకరన్న గాంధీగిరికి దిగొచ్చిన ముఖ్యమంత్రి

హైదరాబాద్: మంత్రి పి. శంకరరావు గాంధీగిరికి ముఖ్యమంత్రి కిరణ్ కుమార్ రెడ్డి ప్రతిస్పందించారు. తన కార్యాలయంలో ఫర్నీచర్ లేదని ఆరోపిస్తూ కింద కూర్చుని శంకరరావు విధులు నిర్వహించిన సన్నివేశాలు మీడియాలో ప్రముఖంగా వచ్చాయి. దీంతో శంకరరావు నిరసనపై ముఖ్యమంత్రి ప్రతిస్పందించారు. శంకరరావు కార్యాలయానికి ఫర్నీచర్ చేరకపోవడంపై ముఖ్యమంత్రి అధికారులపై ఆగ్రహం వ్యక్తం చేశారు. దీనిపై వివరణ ఇవ్వాలని ఆయన అధికారులను ఆదేశించారు.

శంకరరావు కార్యాలయానికి వెంటనే ఫర్నీచర్ ఏర్పాటు చేయాలని ముఖ్యమంత్రి ప్రభుత్వ ప్రధాన కార్యదర్శికి ఆదేశాలు జారీ చేశారు. తన కార్యాలయానికి ఫర్నీచర్ ఏర్పాటు చేసేందుకు ముఖ్యమంత్రి నిధులు మంజూరు చేయడానికి ముఖ్యమంత్రి అంగీకరించడం లేదని శంకర రావు ఆరోపించారు. ఫర్నీచర్ కోసం తాను రాసిన లేఖను మీడియా ప్రతినిధులకు చూపించారు. చాలా కాలంగా ఆయన ఫర్నీచర్ కోసం సమరం సాగిస్తూనే ఉన్నారు.

English summary

CM Kiran Kumar Reddy has reacted to minister P Shankar Rao's Gandhigiri.