ఆత్మహత్యా యత్నం: దంపతుల మృతి, పిల్లలు సీరియస్

నిజామాబాద్: నిజామాబాద్ జిల్లా దోమకొండలో దారుణం చోటు చేసుకుంది. ఓ కుటుంబం యావత్తూ ఆత్మహత్యా యత్నానికి పాల్పడింది. దినేష్, స్రవంతి అనే దంపతులు పరస్పరం గొడవకు దిగి ఆత్మహత్యా యత్నానికి పాల్పడ్డారు. వారిద్దరి పిల్లలు కూడా అందులో సమిధలుగా మారారు. వారిద్దరు గత రాత్రి పన్నెండు గంటల ప్రాంతంలో గొడవకు దిగారు. ఈ గొడవలో కిరోసిన్ పోసుకుని నిప్పంటించుకున్నారు. కిరోసిన్ ఇద్దరు పిల్లలపై కూడా పడి వారికి కూడా మంటలు అంటుకున్నాయి. దీంతో దంపతులు ఇద్దరు మరణించగా, పిల్లల పరిస్థితి ఆందోళనకరంగా ఉంది.

వైవాహికేతర సంబంధం ఉందనే అనుమానంతో దినేష్ భార్య స్రవంతితో తరుచూ గొడవ పడుతూ ఉండేవాడని, ఆ గొడవ రాత్రి తారాస్థాయికి చేరుకుందని, దాంతో ఆగ్రహావేశాలతో కిరోసిన్ పోసుకుని నిప్పంటించుకున్నారని అంటున్నారు. పిల్లలు ఐదేళ్ల నిఖిత, కుమారుడు రాకేష్ ఆస్పత్రిలో చికిత్స పొందుతున్నారు. గొడవకు ఇరుగుపొరుగు వచ్చి, పోలీసులకు ఫిర్యాదు చేసినట్లు తెలుస్తోంది. దాంతో పోలీసులు రంగప్రవేశం చేసి గాయపడినవారిని ఆస్పత్రికి తరలించారు.

English summary

All the members of a family attempted to commit suicide at Domakonda of Nizamabad district.