నన్ను కుక్కతో పోల్చినా ఇబ్బంది లేదు: శంకరరావు

హైదరాబాద్: తనపై దాడి చేసింది హోమంత్రి సబితా ఇంద్రా రెడ్డి అనుచరులేనని చేనేత, జౌళీ శాఖ మంత్రి శంకర రావు సోమవారం మీడియా సమావేశంలో అన్నారు. దాడి కేసులో సంబంధం లేని వారిని అరెస్టు చేసి విడుదల చేశారని ఆరోపించారు. నాపై దాడి చేసింది హోంమంత్రి అనుచరులేనని న్యాయం జరగకుంటే హెచ్చార్సీని ఆశ్రయిస్తానన్నారు. అమాయకులను విచారిస్తున్నారని ఆయన ఆవేదన వ్యక్తం చేశారు. ముఖ్యమంత్రి కిరణ్ కుమార్ రెడ్డి తనకు న్యాయం చేస్తారన్న నమ్మకముందన్నారు. అధిష్టానం అన్ని విషయాలను గమనిస్తోందని చెప్పారు.

తాము మంత్రులుగా ఎంతకాలం ఉంటామో తెలియదని, మంత్రివర్గ మార్పులు చేర్పుల్లో పదవులు పోవచ్చునని ఓ ప్రశ్నకు సమాధానంగా చెప్పారు. అసలు నిందితులపై చర్యలు తీసుకోవాలని ఆయన డిమాండ్ చేశారు. తాను గాంధీ కుటుంబానికి వాచ్ డాగ్‌నని, తనను కుక్కతో పోల్చినా ఇబ్బంది లేదన్నారు.

కాగా శంకర రావు సోమవారం కూడా నేలపై కూర్చొనే మీడియా సమావేశం నిర్వహించారు. మంత్రి కార్యాలయంలో కూర్చీలు లేక పోవడంతో విలేకరులు కింద కూర్చున్నారు. శంకర రావు కూడా వారినే అనుసరించారు. కాగా మూడు రోజుల క్రితం శంకర రావు కింద కూర్చొని అధికారులతో సమీక్ష నిర్వహించిన విషయం తెలిసిందే.

English summary

Minister Shankar Rao blamed home minister Shankar Rao for attack on him.