• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

యాత్ర కాదు తెలంగాణపై దండయాత్ర: బాబుపై టిఆర్ఎస్

By Srinivas
|

Koppul Eshwar
హైదరాబాద్: తెలుగుదేశం పార్టీ అధినేత నారా చంద్రబాబు నాయుడుపై, ఆ పార్టీ నేతలు మోత్కుపల్లి నర్సింహులు, ఎర్రబెల్లి దయాకర రావుపై టిఆర్ఎస్ నేతలు కొప్పుల ఈశ్వర్, జగదీశ్వర్ రెడ్డి మంగళవారం తీవ్రస్థాయిలో విరుచుకు పడ్డారు. డిసెంబర్ 9న తెలంగాణ ప్రకటన వచ్చిన తర్వాత చంద్రబాబు మాట మార్చారని అందుకే కేంద్రం వెనక్కి పోయిందని విమర్శించారు. తెలంగాణపై స్పష్టమైన వైఖరి ప్రకటించని బాబుకు తెలంగాణ జిల్లాల్లో పర్యటించే హక్కు లేదన్నారు. బాబు తెలంగాణ ద్రోహి అని, తెలంగాణ ప్రజలకు ఆయనను ప్రశ్నించే హక్కు ఉందన్నారు. టిడిపి విధానం వల్లే విద్యార్థుల బలిదానాలు ఆని ఆరోపించారు. బాబు అధికారంలో ఉన్నప్పుడు రైతులను పొట్టన పెట్టుకున్నారని ధ్వజమెత్తారు.

మోత్కుపల్లి, ఎర్రబెల్లి చంద్రబాబు ఏజెంట్లుగా మారారని విమర్శించారు. వారు బాబుకు కాపలా కుక్కలు అని, వారిని ఇంట్లో పెట్టుకోవాలి కాని ప్రజలలోకి పంపవద్దన్నారు. పదవులు దక్కించుకోవడానికి, పార్టీని కాపాడుకోవడానికే టిడిపి నాటకాలు ఆడుతుందని వారిని ప్రజలు విశ్వసించరన్నారు. తెలంగాణ విద్యార్థుల ఆత్మహత్యలకు నివాళులు అర్పించాలని నాగం మహానాడులో కోరగా బాబు తోసిపుచ్చారని చెప్పారు. అమరవీరుల విషయంలో మోత్కుపల్లి విమర్శలు నీచాతినీచం అన్నారు.

బాబు యాత్ర చేపడుతున్నట్లుగా లేదని కరీంనగర్ జిల్లా ప్రజలపై దండయాత్ర చేస్తున్నట్లుగా కనిపిస్తోందన్నారు. బాబుకు ముఖ్యమంత్రి కిరణ్ కుమార్ రెడ్డి, సీమాంధ్ర పెట్టుబడిదారులు అండగా నిలుచొని తెలంగాణపై కుట్ర చేస్తున్నారని ధ్వజమెత్తారు. బాబు తన కాపలా కుక్కలను ఉద్యమంపై ఎక్కుపెడుతున్నారని విమర్శించారు.

English summary
TRS leaders accused TDP chief Nara Chandrababu Naidu that it is not tour but attack on Karimnagar people.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X