హత్యలు కాదు సూసైడ్‌లే: మోత్కుపల్లికి ఎర్రబెల్లి ఝలక్

వరంగల్: తెలుగుదేశం పార్టీ సీనియర్ శాసనసభ్యుడు ఎర్రబెల్లి దయాకర రావు సహచర పార్టీ నేత మోత్కుపల్లి నర్సింహులు వ్యాఖ్యలను మంగళవారం వరంగల్ జిల్లాలో తప్పు పట్టారు. యాదయ్య, శ్రీకాంత చారిలను టిఆర్ఎస్ అధ్యక్షుడు కల్వకుంట్ల చంద్రశేఖర రావే చంపించారని మోత్కుపల్లి సోమవారం తీవ్ర విమర్శలు చేసిన విషయం తెలిసిందే. దీనిపై ఎర్రబెల్లి మంగళవారం స్పందించారు. మోత్కుపల్లి వ్యాఖ్యలు సబబు కాదన్నారు. తెలంగాణ కోసం ఆత్మబలిదానాలు చేసుకున్నారు తప్ప హత్యలు చేయలేదన్నారు. వారిని కించపర్చేలా మోత్కుపల్లి మాట్లాడటం సరికాదన్నారు.

తెలంగాణ ఆలస్యానికి కె చంద్రశేఖర రావే కారణమని ధ్వజమెత్తారు. కోదండరామ్ జెఏసి ముసుగులో తెలంగాణ ప్రజలను తీవ్రంగా మోసం చేస్తున్నారని విమర్శించారు. కాగా మంగళవారం కరీంనగర్ జిల్లాలో టిడిపి అధినేత నారా చంద్రబాబు నాయుడు రైతు పోరుబాట యాత్ర ఉన్న విషయం తెలిసిందే. ఎర్రబెల్లి బాబు పర్యటనలో పాల్గొననున్నారు.

English summary

TDP senior MLA Errabelli Dayakar Rao condemned Mothkupalli Narasimhulu comments on Telangana students suicides.