నల్సార్ విసిపై లైంగిక వేధింపుల ఆరోపణలు: ప్రొఫెసర్ ఫిర్యాదు

హైదరాబాద్: నల్సార్ న్యాయశాస్త్ర విశ్వవిద్యాలం వైస్ చాన్సలర్ వీర్ సింగ్ లైంగిక ఆరోపణల వివాదంలో చిక్కుకున్నారు. ఆయనపై సీనియర్ ప్రొఫెసర్, పాలనా వ్యవహారాల డీన్ అమితా దండా విశ్వవిద్యాలయం చాన్సలర్, హైకోర్టు ప్రధాన న్యాయమూర్తి మదన్ బి లోకూర్‌కు ఫిర్యాదు చేశారు. క్రిమినల్ డిఫమేషన్, లైంగిక వేధింపులు, దుష్ప్రవర్తన కింద ఆమె విసి వీర్ సింగ్‌పై ఆరోపణలు చేశారు. డిసెంబర్ 22వ తేదీన తనకు విసి లైంగికపరమైన ఇమెయిల్ పంపారని ఆమె ఆరోపించారు. ఇమెయిల్ అంశాలపై అంతకు మించి మాట్లాడడానికి ఆమె నిరాకరించినట్లు ఓ ఆంగ్ల దినపత్రిక రాసింది.

అయితే దండా తాను పంపిన సమాచారాన్ని తప్పుడుగా అన్వయించుకున్నారని విసి సింగ్ అన్నట్లు కూడా ఆ పత్రిక రాసింది. దాంట్లో లైంగికపరమైన విషయాన్ని చూడడం అసాధారణమని ఆయన అన్నట్లు రాసింది. సింగ్‌పై అమిత్ దండా డిసెంబర్ 25వ తేదీన ఫిర్యాుదు చేశారు. ఈ వివాదం ఇరువురి మధ్య జరుగుతున్న ప్రచ్ఛన్న యుద్ధ ఫలితమని అంటున్నారు.

English summary

A senior professor of Nalsar University of Law, Amita Dhanda (dean, academic affairs), has accused vice-chancellor (VC) Veer Singh of 'criminal defamation, sexual harassment and misconduct'.