తెలంగాణలో టిఆర్ఎస్ బలహీనమే: బాబు విమర్శలు

హైదరాబాద్: తెలంగాణలో తెలంగాణ రాష్ట్ర సమితి బలహీనంగానే ఉందని తెలుగుదేశం పార్టీ అధినేత నారా చంద్రబాబు నాయుడు శుక్రవారం మీడియా ప్రతినిధులతో పిచ్చాపాటిగా మాట్లాడుతూ అన్నారు. గత 2009 సాధారణ ఎన్నికల్లో మేం మద్దతిచ్చినప్పటికీ టిఆర్ఎస్ మెజార్టీ సీట్లు గెలుచుకోలేక పోయిందని, దీన్ని బట్టి ఎవరు బలహీనంగా ఉన్నారో అర్థమౌతోందన్నారు. ఓట్లే కొలమానం అనుకుంటే 2009లో టిడిపి మంచి పర్సెంటేజ్ సాధించిందన్నారు. తెలంగాణలో మాకు ఎదురు లేదని ధీమా వ్యక్తం చేశారు. తెలంగాణలో టిడిపి హయాంలో జరిగిన అభివృద్ధిపై చర్చకు పిలిస్తే ఎవరూ ముందుకు రాలేదన్నారు.

కాగా అంతకుముందు చంద్రబాబు మీడియా సమావేశంలో లోక్‌పాల్ బిల్లుపై కాంగ్రెసు పార్టీ తీరును తప్పు పట్టిన విషయం తెలిసిందే. రాష్ట్రంలో మద్యం అవినీతి విషయంలో ప్రభుత్వం నిమ్మకు నీరెత్తినట్లు ఉంటుందని, పిసిసి చీఫ్ బొత్స సత్యనారాయణక ముప్పై ఒక దుకాణాలు ఉన్నాయని ఎలా చెప్పగలిగారని ప్రశ్నించారు. మద్యం విషయంలో ప్రభుత్వం వైఖరికి నిరసనగా జనవరిలో ఆందోళన కార్యక్రమాలు నిర్వహిస్తామని చెప్పారు.

English summary

TDP chief Nara Chandrababu Naidu fired at TRS party