• search
  • Live TV
నెల్లూరు వార్తల కోసం
నోటిఫికేషన్స్ పై క్లిక్ చేయండి  

దోచుకోవడానికేనా: జగన్‌పై దండెత్తిన చిరంజీవి

By Pratap
|

Chiranjeevi
నెల్లూరు: తన నెల్లూరు పర్యటనలో కాంగ్రెసు నాయకుడు చిరంజీవి వైయస్సార్ కాంగ్రెసు పార్టీ అధ్యక్షుడు వైయస్ జగన్‌పై విరుచుకుపడ్డారు. రాష్ట్రాన్ని దోచుకుందాం, పదవులు లాగేసుకుందామంటే కుదరదని ఆయన అన్నారు. ప్రజలే పదవులు ఇవ్వాలని ఆయన అన్నారు. తండ్రి పార్థివ శరీరం రాక ముందే కొంత మంది త వద్దకు వచ్చి మద్దతివ్వాలని కోరారని, దానికి తానే ప్రత్యక్ష సాక్షిని అని ఆయన అన్నారు. నెల్లూరులో గురువారం రాత్రి ఆయన తొలుత అభిమానుల సమావేశంలో, ఆ తర్వాత బహిరంగ సభలో మాట్లాడారు. కొంత మంది పదవుల కోసం ప్రయత్నాలు చేస్తున్నారని ఆయన వైయస్ జగన్‌ను ఉద్దేశించి అన్నారు.

చేతిలో మీడియా ఉందని చెప్పి తప్పుడు ప్రచారాలు చేస్తూ రాష్ట్రంలో పరిపాలన సజావుగా సాగకుండా అడ్డంకులు సృష్టించేందుకు కుట్ర చేస్తున్నారని ఆయన విమర్శించారు. రాష్ట్రంలో అభివృద్ధి, సంక్షేమం ఎక్కడా ఆగలేదని ఆయన అన్నారు. ముఖ్యమంత్రి కిరణ్ కుమార్ రెడ్డి అభివృద్ధి పథకాలను ముందుకు తీసుకుని వెళ్తున్నారని ఆయన అన్నారు. రైతుల పట్ల తెలుగుదేశం పార్టీ అధ్యక్షుడు నారా చంద్రబాబు నాయుడు మొసలి కన్నీరు కారుస్తున్నారని ఆయన విమర్శించారు. తన బలమూ బలహీనతా అభిమానులేనని ఆయన అన్నారు. సినిమాల సంగతి చరణ్ చూసుకుంటాడని ఆయన చెప్పారు.

English summary
Congress leader and MLA Chiranjeevi lashed out at YSR Congress president YS Jagan.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X