టీచర్ వేధింపులతో తొమ్మిదో తరగతి విద్యార్థి ఆత్మహత్య

హైదరాబాద్: టీచర్ వేధింపుల కారణంగా ఓ విద్యార్థి ఆత్మహత్య చేసుకున్న సంఘటన శుక్రవారం హైదరాబాదులో చోటు చేసుకుంది. మీర్‌పేటలోని ఓ పాఠశాలలో సంతోష్ అనే విద్యార్థి తొమ్మిదో తరగతి చదువుతున్నాడు. శుక్రవారం వేకువజామున ఇంట్లో అందరూ నిద్రిస్తున్న సమయంలో సంతోష్ ఫ్యాన్‌కు ఉరి వేసుకొని ఆత్మహత్య చేసుకున్నాడు. విద్యార్థి ఆత్మహత్య విషయం తెలుసుకున్న టీచర్ పరారీలో ఉన్నాడు.

టీచర్ సంతోష్‌ను పలుమార్లు వేధింపులకు గురి చేసినట్లు తల్లిదండ్రులు ఆరోపిస్తున్నారు. ఇటీవల గ్రౌండులో గంట పాటు వేధించినట్లుగా సమాచారం. గురువారం సంతోష్ తల్లిదండ్రులు పాఠశాలకు వెళ్లి అతను కొద్ది రోజులుగా అనారోగ్యంతో బాధపడుతున్నాడని ఏమీ అనవద్దని కోరారు. ఆ తర్వాత కూడా టీచర్ వేధించడంతో అది భరించలేక ఆత్మహత్య చేసుకున్నాడని ఆరోపిస్తున్నారు. పోలీసులు కేసు నమోదు చేసుకొని దర్యాఫ్తు చేస్తున్నారు.

English summary

A ninth class student committed to suicide with teacher tourcher.