భవిష్యత్తులో నేతల తలరాతలు ఎలా ఉన్నాయి?
టిడిపి అధినేత నారా చంద్రబాబు నాయుడుకు వ్యక్తిగతంగా బాగుంటుందని, అయితే 2014లో ఆయన ముఖ్యమంత్రి అయ్యే అవకాశాలు మాత్రం తక్కువ అని చెబుతున్నారు. పార్టీ ఇబ్బందులను ఎదుర్కొంటుందని చెబుతున్నారు. బాబు తనయుడు లోకేష్ కుమార్ సమీప భవిష్యత్తులో క్రియాశీలక రాజకీయాల్లోకి వచ్చే అవకాశాలు చాలా తక్కువ అని చెబుతున్నారు. సిఎం కిరణ్కు వ్యక్తిగతంగా ఈ మూడేళ్లు బాగుందని, అయితే పార్టీ మాత్రం ఒడిదుడుగులలో చిక్కుకుంటుందని చెబుతున్నారు. రానున్న కాలంలో కిరణ్ మరింత బలం పుంజుకుంటారట. చిరంజీవికి 2011 జూలైలో మంచి రోజులు వస్తాయని, అందరికంటే చిరంజీవి జాతకం బాగుంటుందని చెబుతున్నారు. బాలయ్య సినిమా పరంగా మంచి సక్సెస్ రేట్ సాధిస్తారని, అయితే ఇప్పటికిప్పుడు రాజకీయాల్లోకి ప్రవేశించే అవకాశాలు లేవని కేవలం ప్రచార బాధ్యతలకే పరిమితమవుతారని చెబుతున్నారు.
అలాగే రాష్ట్రంలో మధ్యంతర ఎన్నికలు వచ్చే అవకాశాలు కూడా లేవని చెబుతున్నారు. ఇక దేశ రాజకీయాల్లోకి వెళితే రాహుల్ గాంధీకి 2017 వరకు ప్రధాని అయ్యే యోగ్యం లేదంటున్నారు. ప్రణబ్ ముఖర్జీకి ఆ అవకాశం ఉందని చెబుతున్నారు. 2014లో కాంగ్రెసు కంటే బిజెపికే అధికారంలోకి రావడానికి ఎక్కువ అవకాశాలు ఉన్నాయంటున్నారు. ఇక 2011లో వలె రాష్ట్రంలో ఇబ్బందికర పరిస్థితి ఉండదని, ఈ ఏడాదంతా ప్రశాంతంగా ఉంటుందని చెబుతున్నారు. జనంలో దేశభక్తి కూడా పెరుగుతుందని చెబుతున్నారు.
Click it and Unblock the Notifications
Sign in with Google