గవర్నర్ వద్దకు క్యూ కట్టిన నేతలు, రాజ్‌భవన్‌లో జోష్

By Srinivas

Published: Sunday, January 1, 2012, 12:25 [IST]

హైదరాబాద్: గవర్నర్ నరసింహన్ వద్దకు పలువురు నేతలు ఆదివారం క్యూ కట్టారు. ఆంగ్ల నూతన సంవత్సరం సందర్భంగా పలువురు మంత్రులు, నేతలు రాజ్ భవనంలో నరసింహన్ దంపతులను కలిసి శుభాకాంక్షలు తెలిపారు. డిప్యూటీ ముఖ్యమంత్రి దామోదర రాజనర్సింహ, మంత్రులు వట్టి వసంత్ కుమార్, దానం నాగేందర్, పార్థసారథి, బస్వరాజు సారయ్య తదితరులు గవర్నర్‌ను కలిశారు. వీరితో పాటు నగర పోలీసు కమిషనర్ ఎకె ఖాన్, సిఎస్, మాదిగ రిజర్వేషన్ హక్కుల పోరాట సమితి అధ్యక్షుడు మంద కృష్ణ మాదిగ కలిసి శుభాకాంక్షలు తెలిపారు. దీంతో రాజ్ భవనంలో ఫుల్ జోష్ కనిపించింది.

కాగా ఆంగ్ల నూతన సంవత్సర దినం సందర్భంగా గవర్నర్ సాధారణ ప్రజలను కూడ కలుస్తున్నారు. రాష్ట్ర ప్రజలకు గవర్నర్, ముఖ్యమంత్రి కిరణ్ కుమార్ రెడ్డి శుభాకాంక్షలు తెలిపారు. తెలుగుదేశం పార్టీ కార్యాలయం ఎన్టీఆర్ భవనంలో తెలుగు తమ్ముళ్లు చంద్రబాబును కలిసి శుభాకాంక్షలు తెలిపారు.

Published On January 1, 2012