సుత్తితో కొట్టి పిన్నులతో కుట్లు: శాడిస్ట్ భర్త ఘాతుకం

By Srinivas

Published: Sunday, January 1, 2012, 15:18 [IST]

వరంగల్/అనంతపురం: భార్య తలను బద్దలు కొట్టి ఆ తర్వాత పిన్నులతో తలను కుట్టిన శాడిస్ట్ మొగుడి సంఘటన వరంగల్ జిల్లాలో చోటు చేసుకుంది. నర్సింహులుపేట మండలం బీరిశెట్టిగూడెం గ్రామానికి చెందిన ఓ భర్త రెండు రోజుల క్రితం తన భార్య తలను సుత్తితో బాదాడు. తీవ్రంగా గాయాలు కావడంతో ఓ గదిలో బంధించి పిన్నులతో గాయాలు అయిన చోట కుట్టాడు. ఈ విషయం తెలిసిన బంధువులు నిలదీయడంతో వారి పైనా దాడి చేశాడు. తలపై సుత్తితో బాది ఆ తర్వాత పిన్నులతో కుట్టడం వల్ల భార్య అపస్మారక స్థితిలోకి వెళ్లింది. ఆమెను మహబూబాబాద్ ఏరియా ఆసుపత్రికి చికిత్స నిమిత్తం తరలించారు.

కాగా జిల్లాలోని స్టేషన్ ఘనపూర్ మండలం చిన్నపెండ్యాల గ్రామంలో అద్దెకు ఉంటున్న ఓ వ్యక్తి ఇంటి యజమానిని నిర్బంధించి ఆరు లక్షల రూపాయలు దోచుకుని పరారయ్యాడు. అనంతపురం జిల్లా పెన్న అహోబిలం లక్ష్మీనరసింహ స్వామి ఆలయంలో బాలికపై అర్చకుడు అత్యాచార యత్నం చేశాడు. బాధితురాలి తల్లిదండ్రులు ఆలయ ఎగ్జిక్యూటివ్ అధికారికి ఫిర్యాదు చేశారు.

Published On January 1, 2012