సీరియల్ కిల్లర్ మరో ఘాతుకం: మహిళ రేప్, హత్య

మహబూబ్‌నగర్: మహబూబ్ నగర్ జిల్లాలో సీరియల్ కిల్లర్ మరో ఘాతుకానికి పాల్పడ్డాడు. మహబూబ్ నగర్ జిల్లాలోని షాద్ నగర్ ప్రాంతంలో సోమవారం మరో మహిళ శవం కనిపించింది. ఆ మహిళను రేప్ చేసి, ఆ తర్వాత చంపేసి పట్టణం శివారులో పడేసినట్లు పోలీసులు అనుమానిస్తున్నారు. రేప్, హత్య సంఘటనలు స్థానికులకు తీవ్ర భయాందోళనలకు గురి చేస్తున్నాయి. ఈ ఘాతుకానికి సీరియల్ కిల్లర్ పాల్పడ్డాడా, మరెవరైనా పాల్పడి ఉంటారా అనే విషయంపై కూడా పోలీసులు నిర్ధారణకు రాలేకపోతున్నారు. నేరం చేసిన తర్వాత నిందితుడు మహిళ గాజులు కూడా తీసుకుని వెళ్లలేదని పోలీసు అధికారులు చెబుతున్నారు.

షాద్ నగర్‌లో, ఆ పట్టణం శివారల్లో గత కొద్ది నెలల్లోనే 16 రేప్, హత్య సంఘటనలు చోటు చేసుకున్నాయి. చాలా మృతదేహాలు పట్టణం శివారులోని పొదల్లో పడి ఉండడం గమనార్హం. స్థానికులు తీవ్ర భయాందోళనలకు గురవుతుండగా, పోలీసులకు ఏ విధమైన క్లూలు లభించడం లేదు.

English summary

The serial killer continues to be on the prowl in Shadnagar area as yet another woman's mutilated body was found on Monday.