పెళ్లికి నిరాకరించిందని చాకుతో యువతి పెదాలు కోశాడు

విజయవాడ: కృష్ణా జిల్లా బంటుమిల్లి మండలంలో గురువారం దారుణం జరిగింది. ఓ యువకుడు యువతిపై దాడి చేసి చాకుతో పెదాలు, చేతులు కొసిన సంఘటన కలకలం సృష్టించింది. మండలంలోని నాగన్నచెరువుకు చెందిన గౌస్ తనతో పెళ్లికి నిరాకరించిందని రెహమత్ అనే యువతిపై దాడి చేశాడు. చాకుతో పెదాలు కోశాడు, చేతులపై రాడ్డుతో కొట్టి గాయపర్చాడు. దాడి సమయంలో అడ్డు వచ్చిన రెహమత్ తండ్రి, తాతలపై కూడా దాడి చేశాడు. ఆమె తండ్రి తలపై రాడ్డుతో బలంగా మోదడంతో తీవ్ర గాయాలయ్యాయి. గాయాలపాలైన వీరిని స్థానికులు హాస్పిటల్ తరలించారు. వారి పరిస్థితి విషమంగా ఉన్నట్లు డాక్టర్లు తెలిపారు. దాడి చేసిన అనంతరం గౌస్ పరారయ్యాడు. పోలీసులు కేసు నమోదు చేసుకొని దర్యాఫ్తు చేస్తున్నారు.

రెహమత్‌కు, గౌస్‌కు గతంలో పెళ్లి చూపులు జరిగాయి. ఆ తర్వాత గౌస్ వ్యక్తిత్వం నచ్చక రెహమత్ పెళ్లికి నిరాకరించింది. ఆమెకు ఇటీవలె మరో వ్యక్తితో పెళ్లి చూపులు జరిగాయి. విషయం తెలుసుకున్న గౌస్ ఆగ్రహంతో ఆమెపై దాడి చేసినట్లుగా సమాచారం.

English summary

A young from Krishna district chopped girl lips with knife today. He absconded after attack.