భార్యపై అనుమానంతో రెండో భార్య చేతులు నరికాడు

గుంటూరు/మెదక్: గుంటూరు జిల్లాలో శుక్రవారం ఘాతుకం చోటు చేసుకుంది. అనుమానంతో ఓ భర్త తన రెండో భార్య రెండు చేతులు నరికాడు. తెనాలిలోని యెడ్ల లింగయ్య కాలనీలో ఒకతనికి ఐదేళ్ల క్రితం రెండో పెళ్లైంది. రెండో పెళ్లైనప్పటి నుండి అతను ఆమె వద్దే ఎక్కువగా ఉంటున్నాడు. మొదటి భార్యకు ముగ్గురు పిల్లలు. అయితే ఇటీవల రోజూ మద్యం తాగి వచ్చి రెండో భార్యను వేధిస్తున్నాడు. అప్పుడప్పుడు కొడుతున్నాడు. శుక్రవారం ఇరువురి మధ్య వాగ్వాదం జరిగింది. తన భార్యపై అనుమానం వ్యక్తం చేసిన అతను ఆగ్రహంతో కత్తి తీసుకొని రెండు చేతులు నరికాడు. స్థానికులు అతనిని పట్టుకొని దేహశుద్ది చేసి పోలీసులకు అప్పగించారు. బాధితురాలిని తెనాలి ఆసుపత్రికి తరలించారు.

కాగా మెదక్ జిల్లా తూప్రాన్ జూనియర్ కళాశాల కామర్స్ లెక్చరర్ అసభ్యకరంగా పాఠాలు బోధిస్తుందంటూ విద్యార్థినులు దేహశుద్ధి చేశారు. కొద్ది రోజులుగా ఆమె అసభ్యంగా పాఠాలు చెబుతోందని వారు తల్లిదండ్రులకు కూడా ఫిర్యాదు చేశారు. వారు లెక్చరర్ రమాదేవిని ప్రశ్నించగా సమాధానం చెప్పలేదు. దీంతో ఆగ్రహించిన విద్యార్థినులు దాడి చేశారు. ఆమెను వెంటనే సస్పెండ్ చేయాలని విద్యార్థులు ఆందోళన నిర్వహించారు. లెక్చరర్‌ను పోలీసు స్టేషన్ తరలిస్తుండగా జీపును అడ్డుకున్నారు.

English summary

A husband chopped his second wife hands with knife by suspecting extra marital links.