కల్తీ సారా సంఘటనలో కీలక నిందితుడి అరెస్టు

విజయవాడ: కృష్ణా జిల్లా మైలవరం కల్తీ సారా ఘటనలో పోలీసులు కీలక నిందితుడిని అరెస్టు చేశారు. అతన్ని ఆబ్కారీ పోలీసులు అదుపులోకి తీసుకుని పోలీసులకు అప్పగించారు. ఓ కాపు సారా వ్యాపారికి సహాయకుడిగా పనిచేస్తున్న లావూరి పగుడు అనే వ్యక్తిని పోలీసులు అదుపులోకి తీసుకున్నారు. అతన్ని విసన్నపేట సమీపంలో శనివారం అరెస్టు చేశారు. ఇటీవల కల్తీ సారా తాగిన ఘటనలో 19 మంది మరణించారు. ఇప్పటికి కూడా మరో ఏడుగురు ప్రైవేట్ ఆస్పత్రిలో చికిత్స పొందుతున్నారు. మిగతావారు ఆస్పత్రుల నుంచి డిశ్చార్జీ అయ్యారు.

ఆ రోజు తాను 40 లీటర్ల సారా అమ్మినట్లు లావూరి పగుడు అంగీకరించినట్లు తెలుస్తోంది. అతను జమలయ్య అనే కాపు సారా వ్యాపారికి సహాయకుడిగా పనిచేస్తున్నారు. పగుడు ఎప్పటిలాగే ఆ రోజు క్తతులతండావాసులకు సారా విక్రయించాడని పోలీసుల విచారణలో తేలింది. ఈ ఘటనకు సంబంధించి మరింత మందిని అదుపులోకి తీసుకునేందుకు పోలీసులు ప్రయత్నాలు చేస్తున్నారు.

English summary

One key person Lavuru Pagudu arrested in Mylavaram tragedy near Vissannapet.