మహిళపై అత్యాచారం, శిలువ కేసులో ముగ్గురు అరెస్టు

By Srinivas

Published: Sunday, January 8, 2012, 12:49 [IST]

విజయవాడ/గుంటూరు/వరంగల్: కృష్ణా, కరీంనగర్ జిల్లాల్లో ఓ మహిళ, బాలికపై అత్యాచారం జరిగిన సంఘటన ఆదివారం వెలుగు చూసింది. కృష్ణా జిల్లాలోని కొండపల్లి మండలం బుడమేరుకట్ట దగ్గర ఓ మహిళపై కొందరు దుండగులు అత్యాచారం చేసి అనంతరం హత్య చేశారు. కరీంనగర్ జిల్లాలో ఓ బాలికపై అత్యాచారం చేసిన ఇద్దరు నిందితులను పోలీసులు అరెస్టు చేశారు. వరంగల్ జిల్లా కేసముద్రం మండలం తాళ్లపూసపల్లి శివారులో ఈ బాలికను నిందితులు కిడ్నాప్ చేసి తీసుకు వచ్చి అత్యాచారానికి పాల్పడ్డారు. కేసముద్రం మండలం రంగాపురం శివారు రాజీవ్ నగర్ తండాలో ఓ భర్త భార్యను గొడ్డలితో నరికి హత్య చేశాడు.

మరోవైపు గుంటూరు జిల్లా తాడేపల్లి మండలం కుంచనపల్లి గ్రామంలో మహిళకు శిలువ వేసిన ఘటనకు సంబంధించి పోలీసులు ముగ్గురిని అరెస్టు చేశారు. దేవుడు ఆజ్ఞాపించాడని, వెంకాయమ్మ ఇష్టపూర్వకంగా శిలువ వేయించుకున్నా, ఇది చట్ట ప్రకారం నేరం అని పోలీసులు తెలిపారు. వెంకాయమ్మ భర్త ప్రాన్సిస్‌తో పాటు అతనికి సహకరించిన రమేష్, చంద్రశేఖర్‌లను పోలీసులు అరెస్టు చేశారు. వెంకాయమ్మ ఆరోగ్య పరిస్థితిని తెలుసుకునేందుకు గుంటూరు ఆసుపత్రికి తరలించారు.

Published On January 8, 2012