సహకారంలేదు: కెసిఆర్‌పై ఇంకెన్నాళ్లు డైరెక్టర్ రఫీ ఫైర్

హైదరాబాద్: తెలంగాణ ఫిల్మ్ చాంబర్, తెలంగాణవాద పార్టీలపై ఇంకెన్నాళ్లు చిత్ర దర్శకుడు రఫీ ఆదివారం మండిపడ్డారు. తన చిత్రం ఇంకెన్నాళ్లు విడుదలకు ముందు థియేటర్లు ఇస్తామని చెప్పారని, కానీ చిత్రం విడుదలయ్యాక మాత్రం థియేటర్లు తగ్గించారని ఆయన ఆవేదన వ్యక్తం చేశారు. ఈ విషయంలో తనకు తెలంగాణవాద పార్టీలు సైతం సహకరించడం లేదని పరోక్షంగా తెలంగాణ రాష్ట్ర సమితి, ఆ పార్టీ అధ్యక్షుడు కల్వకుంట్ల చంద్రశేఖర రావుపై ఆగ్రహం వ్యక్తం చేశారు. ఇంకెన్నాళ్లు చిత్రానికి థియేటర్లు ఉండటం లేదని ఆవేదన వ్యక్తం చేశారు.

కాగా ఆదివారం తెలంగాణ భవనంలో ఏర్పాటు చేసిన ఓ కార్యక్రమంలో కెసిఆర్ రసమయి బాలకిషన్ తీసిన జైతెలంగాణ చిత్రంపై థియేటర్ యజమానులను హెచ్చరించిన విషయం తెలిసిందే. జైతెలంగాణ చిత్రానికి థియేటర్లు ఇవ్వాలని లేదంటే ఇతర ప్రాంతాల చిత్రాలను తాము అడ్డుకుంటామని చెప్పారు. తెలంగాణవాదులు తీసే చిత్రాలకు థియేటర్ యజమానులు ప్రాధాన్యత ఇవ్వడం లేదన్నారు.

English summary

Inkennallu director Rafi fired at TRS chief K Chandrasekhar Rao indirectly.