ఫాక్షన్ మైండ్‌తో డిజిపి బాధ్యతలు: పొన్నం ప్రభాకర్

కరీంనగర్: పోలీసు డైరెక్టర్ జనరల్ (డిజిపి) దినేష్ రెడ్డి ఫాక్షన్ మైండ్‌తో బాధ్యతలు నిర్వహిస్తున్నారని ఆయన అన్నారు. డిజిపి తీరు మారకపోతే తెలంగాణ ప్రజలు తిరుగబడుతారని ఆయన శనివారం మీడియా ప్రతినిధుల సమావేశంలో హెచ్చరించారు. ప్రమోషన్లు, బదిలీల విషయంలో తెలంగాణ పోలీసులకు డిజిపి అన్యాయం చేస్తున్నారని, తెలంగాణవారిని వేధిస్తున్నారని, దీనిపై తాను కేంద్ర హోం మంత్రి చిదంబరానికి ఫిర్యాదు చేస్తానని ఆయన అన్నారు. డిజిపి రాజ్యాంగేతర శక్తి మాదిరిగా ప్రవర్తిస్తున్నారని ఆయన విమర్శించారు. రాష్ట్రంలో మానవ హక్కులను హరించే విధంగా డిజిపి ప్రవర్తన ఉందని ఆయన అన్నారు.

ఇప్పటికైనా రాష్ట్ర ప్రభుత్వం స్పందించి డిజిపిని కట్టడి చేయాలని ఆయన కోరారు. డిజిపి ప్రజలపై ఉక్కు పాదం మోపుతున్నారని ఆయన అన్నారు. తెలుగుదేశం పార్టీ అధ్యక్షుడు నారా చంద్రబాబు నాయుడి తెలంగాణ పర్యటన సందర్భంగా తెలంగాణ విద్యార్థులను అరెస్టు చేసిన పోలీసులు గుండాలను వదిలేశారని ఆయన వ్యాఖ్యానించారు. డిజిపి తీరుపై ఆయన తీవ్రంగా మండిపడ్డారు.

English summary

Telangana Congress MP Ponnam Prabhakar has lashed out at DGP Dinesh Reddy.