ముందు కెసిఆర్ పరిస్థితి తెల్సుకోవాలి: టిజి వెంకటేష్

By Srinivas

Published: Sunday, January 15, 2012, 14:50 [IST]

కర్నూలు: తెలంగాణ ఉద్యమానికి ముందు తెలంగాణ రాష్ట్ర సమితి అధ్యక్షుడు, మహబూబ్ నగర్ పార్లమెంటు సభ్యుడు కల్వకుంట్ల చంద్రశేఖర రావు పరిస్థితి ఏమిటో తెలంగాణ ప్రాంత విద్యార్థులు ముందుగా తెలుసుకోవాలని చిన్న నీటి పారుదల శాఖ మంత్రి టిజి వెంకటేష్ ఆదివారం కర్నూలు జిల్లాలో అన్నారు. తెలంగాణ ప్రజలను మరోసారి కెసిఆర్ గంగిరెద్దుల్లా ఆడించవద్దని విజ్ఞప్తి చేశారు. తెలంగాణ కోసమే తమ పోరాటం అంటున్న కెసిఆర్ ఆయన అధికారంలో ఉన్నప్పుడు తెలంగాణకు, ఆ ప్రాంత ప్రజలకు ఏం చేశారో చెప్పాలని ప్రశ్నించారు.

కాగా విజయవాడ పార్లమెంటు సభ్యుడు లగడపాటి రాజగోపాల్ ఉదయం తెలంగాణ అంశం కేంద్రం పరిధిలో లేదని తేల్చి చెప్పిన విషయం తెలిసిందే. తెలంగాణపై కేంద్రం వద్ద ఎలాంటి పరిష్కారం లేదని రాష్ట్రంలోనే ఉందని చెప్పారు. అసెంబ్లీలో తెలంగాణపై తీర్మానం చేసి కేంద్రానికి పంపిస్తే అప్పుడు నిర్ణయం తీసుకుంటుందని చెప్పారు.

Published On January 15, 2012