మంత్రివర్గ విస్తరణ: రావాలని చిరంజీవి వర్గం ఆహ్వానాలు

హైదరాబాద్: మంత్రులుగా తాము ప్రమాణ స్వీకారం చేయబోతున్నామని, ఆ ప్రమాణ స్వీకారోత్సవానికి రావాలని తిరుపతి శాసనసభ్యుడు చిరంజీవి వర్గం శాసనమండలి సభ్యుడు సి.రామచంద్రయ్య, శాసనసభ్యుడు గంటా శ్రీనివాస రావు తమ బంధు, మిత్రులను ఆహ్వానిస్తున్నట్లు సమాచారం. ఈ నెల 19వ తేదిన ఉదయం గం.11.45 నిమిషాలకు రాజ్‌భవన్‌లో జరిగే మంత్రివర్గ ప్రమాణ స్వీకారానికి హాజరు కావాల్సిందిగా వారు ఆహ్వానాలు పంపుతున్నారట. ఇదే విషయంపై కాంగ్రెసు పార్టీకి చెందిన నేతలు, మంత్రుల వద్ద విస్తరణ కేవలం ఇద్దరికే పరిమితం చేస్తారా లేక కాంగ్రెసు వారికి కూడా అవకాశం దక్కుతుందా అని ఆరా తీస్తున్నాట్లుగా తెలుస్తోంది.

కాగా తన వర్గంలో సి.రామచంద్రయ్య, గంటా శ్రీనివాస రావుకు కేబినెట్‌లో చోటు కల్పించాలని చిరంజీవి అధిష్టానం వద్ద కోరిన విషయం తెలిసిందే. అయితే సి.రామచంద్రయ్యకు మంత్రివర్గంలో చోటు కల్పిస్తే జిల్లాలో పార్టీ ప్రాభవం తగ్గుతుందని కడపకు చెందిన పలువురు నేతలు ఈ మధ్య పార్టీ పెద్దలను కలిసి విజ్ఞప్తి చేశారు. ఆయనకు పదవి ఇవ్వవద్దని కోరారు. జిల్లా నేతలకు సర్ది చెప్పిన అధిష్టానం చిరంజీవి సూచించిన వారినే మంత్రివర్గంలోకి తీసుకునేందుకు పచ్చజెండా ఊపింది.

English summary

It seems, Chiranjeevi camp leaders C Ramachandraiah and Ganta Srinivas Rao are inviting his relatives and friends for their swearing program.