వైయస్ జగన్‌కు భద్రత కుదింపు: జూపూడి హెచ్చరిక

హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి ప్రభుత్వం భద్రతను కుదించింది. దీనిపై వైయస్సార్ కాంగ్రెసు పార్టీ అధికార ప్రతినిధి జూపూడి ప్రభాకర రావు సోమవారం మీడియా ప్రతినిధుల సమావేశంలో ప్రభుత్వాన్ని హెచ్చరించారు. వైయస్ జగన్‌కు ఏమైనా జరిగితే రాష్ట్రం అగ్నిగుండం అవుతుందని ఆయన అన్నారు. ప్రభుత్వం అలా ఎందుకు ప్రవర్తిస్తోందో అర్థం కావడం లేదని ఆయన అన్నారు. ప్రజా నాయకుడికి భద్రత కల్పించాల్సిన బాధ్యత ప్రభుత్వానిదేనని ఆయన అన్నారు. ప్రభుత్వం దళితులకు వ్యతిరేకంగా పనిచేస్తోందని ఆయన విమర్శించారు. రాష్ట్రంలో అంబేడ్కర్ విగ్రహాల ధ్వంసాన్ని తమ పార్టీ తీవ్రంగా పరిగణిస్తోందని ఆయన అన్నారు.

తెలుగుదేశం పార్టీ అధ్యక్షుడు నారా చంద్రబాబు నాయుడిపై ఆయన తీవ్రంగా ధ్వజమెత్తారు. తెలుగుదేశం పార్టీ కాంగ్రెసుతో కుమ్మక్కయిందని ఆయన విమర్శించారు. ఎమ్మార్ ప్రాపర్టీస్ వ్యవహారానికి ఆద్యుడు తెలుగుదేశం పార్టీ అధ్యక్షుడు చంద్రబాబే ఆద్యుడని ఆయన ఆరోపించారు. చంద్రబాబు వస్తే తమ పార్టీ అధ్యక్షుడు వైయస్ జగన్ బహిరంగ చర్చకు సిద్ధమని ఆయన అన్నారు. ఎవరు పడితే వారు బహిరంగ చర్చకు రావాలంటే కుదరదని ఆయన అన్నారు.

English summary

YSR Congress leader Jupudi Prabhakar Rao has warned government on reduction of security to YS Jagan.