నా జీవితంలో నేను మద్యం తాగలేదు: చంద్రబాబు

హైదరాబాద్: తన జీవితంలో ఇప్పటి వరకు తాను మద్యం సేవించలేదని తెలుగుదేశం పార్టీ అధ్యక్షుడు నారా చంద్రాబాబు నాయుడు చెప్పారు. శనివారంనాడు ఆయన పార్టీ కార్యాలయం ఎన్టీఆర్ ట్రస్టు భవన్‌లో మాట్లాడారు. మద్యం అలవాటు ఉంటే కొద్దిగా, ఒకటో రెండో పెగ్గులు తాగితే నష్టం లేదని, దానికి బానిస కాకూడదని, అది కిక్కు ఎక్కితే జీవితం నాశనం అవుతుందని ఆయన అన్నారు. కిక్కు ఎక్కితే మానబోరని ఆయన అన్నారు. మద్యం సిండికేట్లపై ఆయన తీవ్రంగా ధ్వజమెత్తారు. పేదల జీవితాలను మద్యం సిండికేట్లు నాశనం చేస్తున్నాయని ఆయన విమర్శించారు. మద్యానికి బానిసలు కాకూడదని ఆయన సలహా ఇచ్చారు.

తనకు ముఖ్యమంత్రి పదవిపై ఆశ లేదని ఆయన చెప్పారు. సుదీర్ఘ కాలం తాను ముఖ్యమంత్రి పదవిని నిర్వహించానని, తన రికార్డును వచ్చే 20 ఏళ్లలో ఎవరూ బద్దలు కొట్టలేరని ఆయన అన్నారు. మద్యం సిండికేట్లకు వ్యతిరేకంగా గాంధీ వర్ధంతి రోజున రెవెన్యూ డివిజన్ల స్థాయిలో ధర్నాలు నిర్వహించనున్నట్లు ఆయన తెలిపారు. హైదరాబాదులో జరిగే ధర్నా కార్యక్రమంలో తాను పాల్గొంటానని ఆయన చెప్పారు.

English summary

TDP president N Chandrababu said that he never consumed liquor and no one should havituated to it.