వంగవీటి రంగా విగ్రహం ధ్వంసం, రాధ క్షీరాభిషేకం

గుంటూరు/ విజయవాడ: గుంటూరు జిల్లా తెనాలిలో వంగవీటి రంగా విగ్రహంపై గుర్తు తెలియని దుండగులు ధ్వంసం చేశారు. ఎన్‌జి రంగా విగ్రహాన్ని కూడా దుండగులు దాడి చేశారు. శుక్రవారం రాత్రి ఈ సంఘటన చోటు చేసుకున్నట్లు తెలుస్తోంది. విగ్రహాలు ధ్వంసమైన విషయాన్ని గ్రహించిన పోలీసులు వాటికి మరమ్మత్తులు చేయడానికి ప్రయత్నించారు. అయితే, విగ్రహాల ధ్వంసం బయటకు రాకుండా చూడడానికి వారు చేసిన ప్రయత్నం విఫలమైంది. అయితే, విజయవాడలో వంగవీటి రంగా కుమారుడు, రాజకీయ నాయకుడు వంగవీటి రాధాకృష్ణ తన తండ్రి విగ్రహానికి అభిమానులతో కలిసి క్షీరాభిషేకం చేశారు.

స్వార్థపరులు విగ్రహాలను ధ్వంసం చేశారని, అభిమానులు ఏ విధమైన ఆందోళనలకు దిగవద్దని వంగవీటి రాధాకృష్ణ సూచించారు. స్వార్థంతోనే విగ్రహాలను ధ్వంసం చేస్తున్నారని ఆయన ఆరోపించారు. ఇటువంటి సంఘటనలు పునరావృతం కాకుండా పోలీసులు తగిన చర్యలు తీసునకోవాలని ఆయన కోరారు. కాగా, విగ్రహాలను ధ్వంసం చేసినవారిని పట్టుకోవడానికి ప్రత్యేక బృందాలను ఏర్పాటు చేసినట్లు తెనాలి డిఎస్పీ చెప్పారు. తెనాలిలో రంగా విగ్రహం వద్ద రైతు సంఘాల కార్యకర్తలు ఆందోళనకు దిగారు.

English summary

Vangaveeti Ranga's statue was attacked at Tenali of Guntur district by unidentified miscreants.