మగాళ్ల మైండ్ సెట్ సరిగా లేకే: వాసుకి సుంకవల్లి

By Pratap

Published: Sunday, January 29, 2012, 12:34 [IST]

విశాఖపట్నం: ఆడవాళ్ల దుస్తులపై డిజిపి దినేష్ రెడ్డి చేసిన వ్యాఖ్యలతో మిస్ ఇండియా యూనివర్స్ వాసుకి సుంకవల్లి విభేదించారు. మగవాళ్ల మెండ్ సెట్ సరిగా లేకపోవడం వల్లనే మహిళలపై అత్యాచారాలు, దాడులు జరుగుతున్నాయని ఆమె అన్నారు. ఆదివారం విశాఖపట్నం వచ్చిన ఆమె మీడియా ప్రతినిధులతో మాట్లాడారు. మగవారి ఆలోచనా విధానం సరిగా లేకపోవడం వల్లనే మహిళలపై అత్యాచారాలు, దాడులు జరుగుతున్నాయని ఆమె అన్నారు.

అత్యాచారాలు జరగడానికి మహిళలు ధరించే దుస్తులు కూడా కారణమవుతున్నాయని డిజిపి దినేష్ రెడ్డి చేసిన వ్యాఖ్యలను ఆమె ఖండించారు. వస్త్తధారణ వల్లే మహిళలపై దాడులు జరుగుతున్నాని అనుకుంటే విదేశాల్లో కూడా జరగాలి కదా అని ఆమె అన్నారు.

Published On January 29, 2012