పోలీసాఫీసరుపై దాడి, ఐఎఎస్ అధికారి భార్య అరెస్టు

By Pratap

Published: Tuesday, January 31, 2012, 12:37 [IST]

IAS officer’s wife held for slapping cop

బెంగళూరు: పోలీసాఫీసరుపై చేయి చేసుకున్న ఐఎఎస్ అధికారి భార్య అనుజ కుమార్ పాండేను బెంగళూర్ కబ్బన్ పార్క్ పోలీసులు సోమవారం రాత్రి అరెస్టు చేశారు. ఆమెను ఎనిమిదో ఎసిఎంఎం న్యాయమూర్తి కిరణ్ కిని ముందు హాజరు పరిచారు. ఆమెకు న్యాయమూర్తి తాత్కాలిక బెయిల్‌ను మంజూరు చేశారు. ఐఎఎస్ అధికారి, హుబ్లీ విద్యుత్ పంపిణీ కంపెనీ (హెస్కమ్) ఎండి పంకజ్ కుమార్ పాండే భార్య అనుజ ఆదివారం రాత్రి ఓ మహిళా పోలీసాఫీసరుపై దాడి చేశారు. ఈ సంఘనట చిన్నస్వామి స్టేడియంలో ఆదివారంనాడు జరిగింది. ఆదివారం జరిగిన సెలిబ్రిటీ క్రికెట్ మ్యాచ్ (సిసిఎల్) మ్యాచు చూడడానికి తన కూతురికతో కలిసి ఆ మహిళ మైదానంలోకి ప్రవేశించడానికి ప్రయత్నించిన సమయంలో ఆ సంఘటన చోటు చేసుకుంది. కోరమంగళలోని తన బంధువుల ఇంట్లో ఉన్న అనుజను పోలీసులు సోమవారం రాత్రి అదుపులోకి తీసుకున్నారు.

దెబ్బలు తిన్న పోలీసాపీసరు అంజుమల టి. నాయర్ కథనం ప్రకారం - మహిళ వద్ద ఒకే పాసు ఉంది. అయితే, ఆమెతో పాటు తన కూతురిని కూడా లోనికి తీసుకుని వెళ్లడానికి ప్రయత్నించింది. ఆమెను అడ్డగించడానికి ప్రయత్నించడంతో నాయర్‌ను ఆ మహిళ కొట్టింది. ఈ వివాదంలో ఆ తర్వాత కర్ణాటక క్రికెట్ సంఘం (కెసిఎ) జోక్యం చేసుకుంది. ఆ ఐఎఎస్ భార్యతో పాటు ఆమె కూతురును కూడా సంఘం అధికారులు అనుమతించారు. సిసిటివీ ఫుటేజ్ ఆధారంగా ఆ సంఘటనపై దర్యాప్తు సాగిస్తున్నారు.

Published On January 31, 2012