బాబుపై కన్నెత్తి చూడరు: సిబిఐ తీరుపై అంబటి ఫైర్

హైదరాబాద్: ఎమ్మార్, తదితర కేసులను సిబిఐ విచారిస్తున్న తీరుపై వైయస్సార్ కాంగ్రెసు పార్టీ అధికార ప్రతినిధి అంబటి రాంబాబు మండిపడాడురు. ఎమ్మార్ ప్రాపర్టీస్ కుంభకోణం కేసులో తెలుగుదేశం పార్టీ అధ్యక్షుడు నారా చంద్రబాబు నాయుడి పాత్రపై సిబిఐ కన్నెత్తి చూడడం లేదని ఆయన బుధవారం మీడియా ప్రతినిధుల సమావేశంలో మండిపడ్డారు. ఎమ్మార్, తదితర కేసును సిబిఐ దర్యాప్తు చేస్తున్న తీరు లోపభూయిష్టంగా ఉందని ఆయన అభిప్రాయపడ్డారు. తమ పార్టీ అధ్యక్షుడు వైయస్ జగన్మోహన్ రెడ్డి, తమ పార్టీ లక్ష్యంగా సిబిఐ దర్యాప్తు సాగుతోందని ఆయన విమర్శించారు.

ఢిల్లీ సందేశాల ప్రకారమే సిబిఐ పనిచేస్తోందని ఆయన అన్నారు. రెండు పత్రికలకు సిబిఐ జాయింట్ డైరెక్టర్ లక్ష్మీనారాయణ వివరాలను లీక్ చేస్తున్నారని ఆయన విమర్శించారు. చంద్రబాబును ఎందుకు విచారించడం లేదని హైకోర్టు నోటీసులు ఇచ్చినా సిబిఐ పట్టించుకోవడం లేదని ఆయన అన్నారు. సిబిఐ జెడి లక్ష్మినారాయణకు నార్కో పరీక్షలు నిర్వహించాలని, అప్పుడే వాస్తవాలు బయటకు వస్తాయని ఆయన వ్యాఖ్యానించారు.

English summary

YSR Congress party spokesperson Ambati Rambabu has fired at CBI.