డిఎంకె మాజీ మంత్రి ఇళ్లలో విజిలెన్స్ సోదాలు

By Pratap

Published: Wednesday, February 1, 2012, 14:26 [IST]

హైదరాబాద్: విజిలెన్స్, అవినీతి నిరోధక డైరెక్టరేట్ (డిఎవిసి) అధికారులు బుధవారం ఉదయం డిఎంకెకు చెందిన మాజీ మంత్రి ఎన్‌కెకెపి రాజా ఇళ్లలో, వాణిజ్య సంస్థల్లో సోదాలు నిర్వహించారు. తమిళనాడు రాష్ట్రవ్యాప్తంగా ఈ సోదాలు జరిగాయి. ఆదాయానికి మించి ఆస్తులు కలిగి ఉన్నారనే ఆరోపణలు రావడంతో విజిలెన్స్ అధికారులు ఈ దాడులు నిర్వహించారు. రాజా సన్నిహితుల ఇళ్లపై కూడా అధికారులు దాడులు చేసినట్లు సమాచారం. చెన్నై, ఓరోడ్ జిల్లాల్లో సోదాలు ఇంకా జరుగుతున్నట్లు తెలుస్తోంది.

గత డిఎంకె ప్రభుత్వ హయాంలో రాజా చేనేత శాఖ మంత్రిగా పనిచేశారు. అంతకు ముందు డిఎవిసి అధికారులు డిఎంకెకు చెందిన మరో మాజీ మంత్రులు వీరపాండి ఎస్ ఆర్ముగం, కె. పోన్ముడి, కెఎన్ నెహ్రూ, ఎంఆర్‌కె పన్నీరు సెల్వం, టిఎం అంబారాసన్, కెపిపి సామి, దురై మురగన్, కెకెఎస్ఎస్ఆర్ రామచంద్రన్, మాజీ శాసనసభ్యుడు బి రంగనాథన్, ప్రస్తుత ఎమ్మెల్యే అంబజగన్ నివాసాలపై విజిలెన్స్ అధికారులు దాడులు నిర్వహించారు.

Published On February 1, 2012